UFC 199 精彩連場

隨著前兩日Renan Barao 輸咗比Jeremy Stephens,以及Cody Garbrandt KO Thomas Almeida之後,UFC緊接著嘅就係UFC199。UFC199嘅對決可以話係精彩連場,幾乎每一場都甚有睇頭。

UFC-199-betting-tips-Luke-Rockhold-vs-Michael-Bisping-2-betting-picks-Dominick-Cruz-vs-Urijah-Faber-2-betting-predictions-UFC-199-betting-odds-Luca-Fury-betting-advice-mrmgalczvpaepe0bigr6vr7vi7or501q3c79u1gwok.jpg

Early Prelims 有兩場比較勢均力敵。首先有Luiz Henrique對Jonathan Wilson ;雖然兩位都係UFC新人,但各自都喺職業不敗,而且雙方都係有多次1st Round Finish嘅戰績。Henrique擁有住一拳擊倒嘅力量,所有賽事都係以KO勝出,曾經贏過Ildemar Alcantara;而Jonny Bravo就係三個業餘賽嘅冠軍,上場UFC處子戰用咗50秒就以佢UFC第4拳KO對手。而另一場就係英美對決 - 18場只嚐1敗嘅「泰山」Sean Strickland 將會迎戰嚟自英格蘭、不敗嘅Tom Breese。

Prelims 同 Main Events 更係場場精彩。

Prelims 第一場有小編至愛之一嘅「Bruce Leeroy」 Alex Caceres對以防守見稱嘅Cole Miller;到底擁有著超高閃避率嘅Miller 避唔避到打法娛樂性甚高嘅Caceres嘅怪招呢?而第二場就有Jessica對Jessica,大大隻嘅Jessica Andrade 減磅登陸Strawweight級別挑戰Jessica Penne;Penne 上仗挑戰腰帶慘敗,到底可唔可以重新振作守住自己排名呢?而第三、四場分別係以意志力見稱、不敗嘅James Vick對攻守同速度兼備嘅Beneil Dariush,同埋有超強抗打能力嘅老將Clay Guida 迎戰全勝姿態嘅Brian Ortega。

Main Events 頭兩場嘅Bobby Green對Dustin Poirier以及強悍老將對決- Dan Henderson 對Hector Lombard,都相信會係浴血戰。之後係Max Holloway對Ricardo Lamas ;勝方如無意外會迎戰Jose Aldo/Frankie Edgar嘅負方以爭取挑戰腰帶嘅機會,Holloway勝出嘅話甚至有機會直接挑戰由Connor McGregor 持有嘅羽量級腰帶。最後就有兩場冠軍戰,首先係雛量級腰帶戰,屢次挑戰UFC腰帶失敗嘅Urijah Faber今次挑戰Dominick Cruz嘅寶座,呢次已經係雙方第三次對決,先前兩仗雙方各勝一仗。頭條戰就係老將Michael Bisping挑戰上場擊敗Chris Weidman奪得重量級腰帶嘅Luke Rockhold;原定係Weidman對Rockhold嘅重賽,不過Weidman因為頸椎嚴重突出需要退賽治理,原定替補Weidman嘅 Ronaldo 「Jacare」Souza上場對Victor Belfort 期間又受傷,挑戰Rockhold嘅機會就落到已經年屆37歲嘅Bisping。今次佢力圖重奪失落10年嘅冠軍寶座,若果失敗嘅話可能以後再無咁嘅機會,所以相信Bisping會拼老命去得今場仗。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s