【銀色巨塔】曼谷 MahaNakhon

一棟樓高77層,高314米,佔地15,000平方米,耗資6億5,000萬美元(折合港幣大概50億)嘅摩天大廈最近喺泰國曼谷成為焦點。

首先,佢已經成為全泰國最高嘅建築物。第二,佢外型獨特,有design元素又玩味十足,唔似一般摩天大廈咁一味追求high end外型。第三,佢集合住宿、酒店、購物中心、觀光塔、Sky Bar…於一身,嗰個觀光塔仲有條懸空既玻璃通道,真正前後左右360度都可以睇到曼谷風景,不過要2017年年中先對外開放,希望唔好好似張家界玻璃橋咁啦。另外,座塔前面仲有個佔地1,000平方米嘅公眾廣場,可以提供場地作展覽、音樂會、文娛活動等等嘅之用。

This slideshow requires JavaScript.

MahaNakhon 位於曼谷商業區嘅中心地帶,鄰近BTS Chongnonsi (沖暖詩站) 、Chao Pharya River  (湄南河) 及 Lumpini Park (隆比尼公園) 。

mhnk_map

想睇更多關於MahaNakhon嘅您,可以禁呢度,或者Like佢地個Facebook page啦!

第三屆香港歐洲語言日

由歌德學院、英國文化協會、香港法國文化協會、意大利文化協會聯合主辦嘅歐洲語言日想已經嚟到第三年。

今年活動有12國語言供參加者可以選擇學習,包括捷克語、荷蘭語、英語、芬蘭語、法語、德語、匈牙利語、愛爾蘭語、意大利語、波蘭語、西班牙語及瑞典語。除咗學習語言之外,參加者亦有機會可以品嚐多國美食同體驗唔同嘅文化。

有嘢學、有嘢食、有禮品,仲唔快啲去參加?

 

 

歐洲語言日

日期:9月26日(星期一)
時間:下午2 – 7時
地點:九龍塘又一城G層
費用:免費

若果想了解活動更多詳情,可以到呢度

 

【本土文化】紅Van歷史免費導賞活動

平時喺街上面見到啲小巴車頭棟起住一塊塊嘅小巴水牌,有無諗過到底呢啲水牌點嚟呢?咁秀麗嘅字又係點寫架呢?點解會有唔同顏色嘅字呢?

為方便大家參觀及了解紅Van歷史,巧佳小巴用品喺暑假期間,逢星期一都會設有免費導賞活動,為大家講解紅Van歷史,麥師傅仲會即場示範手寫膠牌。而喺下星期一擧辦的暑期免費導賞活動會係今年暑假嘅最後一次,有興趣嘅朋友不妨抽少少時間去認識一下紅Van呢個咁香港本土嘅文化啦!

 

紅VAN歷史暑期免費導賞活動
日期:8月29日 (星期一)
時間:下午六點半
地點:香港九龍油蔴地炮台街39號地下   巧佳小巴用品
費用:免費
電話:27713906
備註:因地方所限,參與者需先在巧佳小巴用品Facebook專頁登記

真實版Iron Man 鐳射手套

睇過Iron Man(鐵甲奇俠) 嘅人都知Tony Stark 套盔甲幾厲害,但你又有冇諗過同一套甲可以攞嚟烤熱狗呢?

與其等Marvel 喺Thor: Ragnrok (港譯:雷神奇俠3 - 諸神黃昏) 嘅片尾隱藏片段中製作出嚟,Wired 就決定自己研發Iron Man手套去實踐呢個畫面。

雖然呢對手套嘅鐳射威力遠較Iron Man 嗰對低,但仍然比我哋現時日常所用嘅鐳射線高3000倍。 若果你嘅對手係公仔、煙、又或係乒乓波嘅話都無問題嘅!

 

 

Source: Wired

【Pokemon Go】又一破解 - 拋精靈球唔駛再喺螢幕劃

Pokemon Go 最近不斷被人破解,上次我哋教咗大家點樣可以足不出戶都捉到小精靈;今次就同大家分享一個更好、像真度更高嘅方法去捕捉小精靈。

現時Pokemon Go 拋出精靈球捕捉小精靈嘅動作要靠手指喺螢幕上劃向小精靈。呢個方法唔係唔好,不過就剩為欠缺真實感囉。

有見及此,Useless Duck Company 就搵到一個更好、更真實、更高命中率嘅捉小精靈方法,一齊去片睇睇!

咁玩法..睇嚟都要召喚返部Nokia 雷神陲幫拖先得!

Pokemon Go GPS破解

萬眾期待嘅Pokemon Go 終於會喺2日內可以比亞洲區玩家玩到(若果你仲未知係乜野黎嘅話麻煩睇一睇之前嘅介紹),而網路上亦都開始出現唔同嘅遊戲破解方法,例如尋日就有如何第一次登入就拎到比卡超而唔係御三家嘅方法

而最新嘅破解就係破GPS System,令玩家安坐家中/Cafe就可以喺遊戲中周圍走去捉小精靈、對戰、打道場。

根據YouTuber LinuxTechTips嘅教學,不論你嘅手機係Android 定iOS,只需要安裝三個程式,分別係幸運破解器Lucky Patcher、Fake GPS同 Pokemon Go 就可以進行破解。首先安裝Lucky Patcher喺你部Root咗嘅手機上;然後用Lucky Patcher安裝Fake GPS,再喺Fake GPS上按自己需要設定位置、更新頻率等;之後喺手機設定Google Location History 為關閉,以及將手機GPS準確度設定為低就完成所有設定程序喇!若果你覺得太複雜嘅話,可以直接安裝一個 Pokemon Go Anywhere嘅破解程式都得架。

咁樣就避免落雨打風、天時暑熱、烏煙瘴氣嘅日子都要出街玩Pokemon嘅痛苦啦!

OFF -巴黎首個水上漂浮酒店+酒吧

若果想知多啲OFF 嘅資料可以去佢哋嘅網站架。

 

Source: Highsnobiety

當彩虹糖不再彩虹時

彩虹糖唔再在彩虹咁多顏色時,咁應該叫咩糖呢?

為咗慶祝剛剛過去嘅倫敦同志節,Skittles 彩虹糖就決定將佢哋五顏六色嘅糖變做白底黑字以作支持。

monochrome-skittles-ad-london-pride-parade-adam-and-eve-ddb-thumb640.jpg

喺個宣布聲明中,Skittles 解釋佢哋要將糖變做黑白係因為佢哋認為只有一個彩虹值得喺同志節期間受到注意。而品牌亦喺呢段期間將口號”Taste the Rainbow” 改為 “Give the Rainbow. Taste the Rainbow”。

其實好多品牌都十分支持同志,就好似American Apparel 早前就發售咗一個「Make America Gay Again」系列

 

Source: Highsnobiety

所以我旅遊攝影展-Willde Ng

相信唔少人去旅行都會影相,但你所影低嘅係乜嘢呢?風景?食物?人物?感覺?

13567493_1600586086633840_7011920725750040350_n

旅遊達人兼資深廣告創作人吳文芳Willde 喺「所以我旅遊」攝影展中會展出佢精挑萬選嘅leica黑白作品;利用照片去說故事,亦利用故事看照片。除咗觀賞Willde大師嘅作品之外,展覽場地亦都準備咗post-it畀大家分享自己嘅小故事架!

13567184_1600586089967173_3837395496229038270_n

 

所以我旅遊攝影展-Willde Ng
展覽日期:2016年7月1日-8月14日
時間:下午4點- 凌晨12點
地點:九龍佐敦志和街1號 Hotel Stage地庫 Muse Wine Bar (佐敦站 B2)
費用:免費入場

【好邪惡】簡易DIY夏日朱古力特飲

呢排天氣就好似首咁「夏日熱辣辣,好熱好熱」。消暑其中一個做法就緊係飲凍檸檬茶冰凍嘅飲品,但平時我哋飲嚟飲去都係奶茶檸茶果汁咁,好似好悶喎!

英國電訊報就分享咗個超級無敵勁邪惡嘅夏日朱古力特飲,製作簡易,充滿糖分同脂肪,喺炎炎夏日飲完呢杯嘢絕對會進入極樂世界。各位女士們,千祈唔好忍手/口 ,一定要好好獎勵自己

 

 

Source: Telegraph