【告別狼人】Logan 預告片正式發佈

Hugh Jackman 前幾年就曾經講過,「Logan」係佢最後一次扮演狼人嘅電影,而呢套告別作亦都喺噚晚正式發佈預告片。

今次係Hugh Jackman第十次,亦係最後一次喺X-Men電影系列中演出。「Logan」劇情係取自外傳漫畫 Old Man Logan 同多部X-Men系列漫畫嘅設定混合而成;講述喺The Reavers同 Mr. Sinister嘅捕殺之下,X-Men以及絕大部份mutants都已經死去或者失去異能,Wolverine隨著自我復原嘅異能逐漸失去亦開始衰老,Charles Xavier亦都因年老患上腦退化影響記憶力。佢哋遇上Wolverine嘅女複製人X-23 (若果想了解多啲X-23嘅朋友請參閱前文Marvel 近年7個多元化舊⻆新人) ,並且希望藉X-23嘅幫助抵抗全能嘅Mr.Sinister…

對漫畫版X-Men有認真嘅朋友或者會再一次對今次電影嘅設定感到唔滿意,但係…作為一個X-Men粉絲,就算過往16年嚟嘅電影作品有幾差都好,你不得不承認Hugh Jackman所扮演嘅狼人已成為一個經典。呢個經典最後一次出場…你唔係唔睇呀?!

Logan將會喺下年3月3日美國上映,至於香港嘅上映日期暫時都仲未落實,但估計都會係同一日。到時大家一齊入戲院送別Hugh Jackman版Wolverine 啦!

Advertisements

【Top Gear】The Grand Tour 預告片發佈

見到Jeremy Clarkson、James May 同 Richard Hammond 三條友又聚埋一齊,你一定會以為係Top Gear 呢?非也非也,其實呢個係Amazon Prime 出品嘅 The Grand Tour。

事源自Jeremy Clarkson 畀 BBC 炒作之後,網民一直要求佢哋三人幫復出主持節目,Amazon 有見及此就乘機開個新嘅汽車節目搵佢哋做番主持,滿足網民需求。日前呢個新節目就喺網上發佈首個預告片;雖然節目叫做The Grand Tour,不過明顯只係借屍還魂,感覺上內容同風格都係不折不扣嘅Top Gear。The Grand Tour 將會由11月18日起每周線上付費播放。

 

 

 

 

龍貓都要減肥?!

相信宮崎駿筆下嘅龍貓大家都好熟悉,亦應該俘虜咗唔少人嘅心。不過唔知係唔係因為潮流興健康,所以連不嬲都咁受歡迎嘅佢都要開始做運動Keep Fit。

澳洲設計師 CL Terry 就好用心咁整咗多幅龍貓做運動時嘅GIF圖,當中包括跳繩、呼拉圈、做瑜伽等等;見到肥騰騰嘅龍貓做運動時啲肉戥下戥下咁,真係好得意架!

其實CL Terry除咗整運動主題嘅龍貓GIF圖之外,佢仲整咗好多唔同嘅主題GIF圖。若果有興趣想睇多啲 CL Terry 嘅作品嘅話可以上去佢嘅個人網站架!

 

 

連龍貓都做運動,你仲坐喺度唔郁?!

 

Source: Fubiz

[超級英雄] 再生俠新版電影準備開拍

超級英雄電影熱潮浪接浪,近來又有一套超級英雄電影準備開拍。不過今次這位英雄主角不是來自DC或者Marvel,他是來自Image漫畫的再生俠 ﹙Spawn﹚。

spawn-todd-mcfarlanes-spawn-17799171-1440-900

提到再生俠的話有些影迷可能會有印象,再生俠在1997年曾經拍成過電影。由New Line Cinema發行,Mark A.Z. Dippé執導,Michael Jai White飾演再生俠。不過這部PG-13的作品當時的風評並不好,再生俠的忠實粉絲認為1997年的電影版本並未真實呈現原著漫畫中的黑暗元素。

事隔接近20年,再生俠的創作人Todd Mc. Farlane宣佈,再生俠將會拍攝新版電影。而這次的版本將會更貼近原著,更真實呈現再生俠漫畫中的黑暗、血腥和奇異。

Todd Mc. Farlane表示,今次的再生俠電影將不會是1997年版本的續集,而是全新的重啟作。而且將會是R級的作品。

再生俠屬於是Image漫畫旗下的人物,雖然Image似乎遠遠不及DC和Marvel出名,但是他們絕對是美國漫畫工業的表表者。1992年,7位Marvel漫畫家Todd McFarlane、Jim Lee、Rod Liefeld、Marc Silvestri、Erik Larsen、Jim Valentino和Whilce Portacio因為不滿公司在利用他們創作的人物圖利的同時,並沒有給予他們相應的回報,因而人另起爐灶。除了再生俠 Spawn之外,它們旗下還有野蠻龍Savage Dragon、魔女之刃Witchblade、Invincible等人物。

再生俠故事講述主角上將Al Simmons在死後和地獄魔王簽訂合約,成為魔鬼的士兵Hellspawn。角色特徵是紅色斗蓬、全身被鎖鏈環繞、以及綠色的雙眼。

現場表演差? The Chainsmokers: 因為我們不對嘴

2016年注定會是The Chainsmokers為世界樂迷留下深刻印象的一年, 他們年初和Daya合作的<Don’t Let Me Down>獲得相當不錯的成績, 七月尾釋出的單曲<Closer>更加是風魔全球。不過上月他們和Halsey在MTV頒獎禮的現場表演遭受到不少非議,日前The Chainsmokers接受訪問時回應指,他們的現場演出糟糕是因為他們堅持真唱,更指頒獎禮當日有不少演出者對嘴。maxresdefault

8月28日舉行的MTV頒獎禮中,The Chainsmokers和Halsey聯手演出<Closer>,在<Closer>中獻聲的The Chainsmokers成員Andrew Taggart亦都少有地展示他Live的[功力],不過廣大樂迷似乎不太受落。這段表演在YouTube錄得近2400萬點撃率,下面的留言幾乎都是一面倒地批評Andrew Taggart的歌聲和稱讚Halsey的唱功(和衣著)。

事後接受訪問時Andrew Taggart亦坦承自己唱得一塌糊塗。

 “sounded like shit. We were told my voice was going to be mixed well, but there was no reverb and it was way louder than the track for the broadcast.”

  [他們告訴我們我的聲音會被混音,但現場並沒有迴響,那天表演的版本比單曲本身的聲音要大。]之後Andrew Taggart更表示他們是堅持唱現場,不像其他一些表演者對嘴。

set up to fail. Nearly every other person lip-synced it, and we knew because we had them in our ears. So now I know why you lip-sync.”

[其他幾乎每位表演嘉賓都在對嘴,我們注意到了。現在我知道了他們為什麼這麼做了。]

(Source: YOUREDM: Chainsmokers’ Andrew Taggart Thinks They “Sounded Like Sh*t” at the VMAs)

【影評】(劇透出沒注意)「你的名字。」

 

喺影評開首,小編首先要在此高呼一聲「屌!!!!!!」

各位讀者切勿誤會,作為一個地道香港人,呢個「屌」字並無任何惡意或貶意。既然如此,何解小編非得要用如此強烈情感字眼去宣洩情感,就讓下文娓娓道來…

「君の名は。」(港譯:「你的名字。」)  係新海誠自發佈「言葉之庭」  闊別三年後的第一套電影長片作品,新海誠更指此片係佢個人最高嘅作品。喺小編呢位新海誠迷嘅心中,「秒速五厘米」已經位列神枱之上,而前作「言葉之庭」亦相差不遠;固新海誠對新作嘅說法不期然令小編抱住一種「睇下有幾高」嘅心態去觀看此片。

劇情講述居於東京嘅男高中生立花瀧同長居於鄉下小鎮嘅女高中生宮水三葉因不明原因會不定期喺瞓覺時對調身體而展開嘅一段奇緣。片中新海誠一貫超華麗CG實景繼續帶觀眾到日本大飽眼福,人像亦較前作細膩。雖然人物角色設定屬其作品中最多,節奏亦一改以往的風格變得較輕快;但劇情就似是「星之聲」混「雲之彼端,約定的地方」再混上新海誠筆下一貫的「突然消失」而組成。再加上不論分鏡處理手法及用色方面都與其先前嘅作品相差不大;讓有經驗嘅觀眾由電影開首就有一種了無新意嘅感覺。直到三葉嘅古文老師出現,細心嘅觀眾頓然略知新海誠此作的玩意… 冇錯!古文老師嘅造型、角色設定、配音都同「言葉之庭」女主角雪野百里香一樣 (相信各位孝雄可以見返雪野應該十分感動)。再加上電影頭段已經濃厚「言葉之庭」同「秒速五厘米」方式嘅敍述,以及多個「秒速」「言葉」近似、甚至一樣嘅畫面,便令小編猜度新海誠是刻意重塑前作們的感覺,目標主打一眾忠實擁躉。而「代代木」「Docomo Tower」「新宿JR站入閘口」等與前作們有關聯嘅元素喺劇情進展中不斷有意無意地出現;直至電影尾段重現一連串「秒速」經典場面,甚或兩位主角跑到參宮橋,踏上貴樹同明里一齊跑過嘅斜路,嗰一刻你完全明白到新海誠擺明係要勾起你睇「秒速五厘米」時嘅感情同思緒,再大大把車落你塊面到同你講:「醒下啦毒撚!你一直以為嘅嘢都唔係你所諗咁樣㗎!」 而一反新海誠常態嘅Happy Ending 更加係一盤冷水淋落你個頭度話你知:「呢個世界冇咁多可歌可泣、憂怨悲傷嘅愛情」,叫你唔好再FF。

所以咁大嘅情緒波幅,小編只能高「屌」一聲;呢個「屌」字亦蘊涵住小編對新海誠嘅欣賞。實在不得不佩服新海誠呢次做法,皆因雖然此作無甚突破反失其浪漫淒美嘅「新海誠式」文學風格,但「君の名は。」確實係佢電影作品之中吸金能力及「玩死你但你又吹佢唔漲」能力最高嘅作品!

【超級英雄電影】 蝙蝠俠電影反派Deathstroke喪鐘扮演者揭曉?!

承接<蝙蝠俠大戰超人>和<自殺特攻:超能暴隊>的熱潮,接下來的DC電影宇宙將會繼續加溫。2018年上映的蝙蝠俠獨立電影最近有不少消息曝光,故事中的大反派已經確定會是著名的超級惡棍Deathstroke喪鐘。而近日關於喪鐘的扮演者亦都逐漸揭曉。

batman_versus_deathstroke

DC娛樂CEO Geoff Johns近日確認,喪鐘將會由<Magic Mike>男星Joe Manganiello出演。值得一提的是,Joe Manganiello曾經在Tobey Maguire版本的<Spiderman>和<Spiderman 3>扮演過Flash Thompson一角。

至於喪鐘會否出現在正義聯盟電影中,Geoff Johns未有作出任何回應。

gty_joe_manganiello_mar_140630_16x9_992

喪鐘初次登場是在1980年的新少年泰坦漫畫,本名Slade Wilson,是一名僱佣兵和刺客。體力和智力都遠超正常人,大腦的開發率甚至可高達90%,是正義聯盟和蝙蝠俠的長期對手,另外亦都曾經加盟過自殺突擊隊,為政府辦事。

A Dog’s Purpose – 汪星人有任務?

狗平均壽命只得十多年,相比起人嘅壽命短得多。但有冇諗過狗狗都會輪迴轉世,而且仲有任務在身呢?

排期喺2017年上映嘅新戲A Dog’s Purpose 改編自2010年出版嘅同名小說,內容講述轉世成為金毛尋回犬嘅小狗Toby帶到新家庭,被新主人改名為Bailey,又獲得小主人Ethan嘅歡心。直到當Ethan上高中時,年紀變得老邁嘅Bailey因健康問題被人道毀滅。Bailey多次轉世後竟然重遇Ethan,揭示狗狗一生嘅任務…

A Dog’s Purpose 預告片一出已經喺外國掀起熱話,唔少網民都話預告片都已經十分感人。有汪星人,又有Dennis Quaid 做主角,小編對呢套戲都十分期待。

話雖如此,但小編卻不敢對此片寄予厚望。皆因荷里活以動物作主角嘅電影雖然唔少,但大部分都屬cliché 質素;就算係2014年上映嘅Max(港譯:軍犬麥斯) 都只係雷聲大雨點小之列。對上一套由狗狗做主角嘅荷里活好戲,已經要數到08年Marley & Me (港譯:馬利與我) 同 09年嘅Hacho: A Dog’s Tale (港譯:秋田犬八千)。到底 A Dog’s Purpose 可唔可以成為繼以上兩片之後嘅感人之作,就要大家到時入場分曉。

The Walking Dead 第7季預告

Walking Dead迷等咗咁耐嘅第7季終於出咗預告,而我哋可以從中推算出其中一個深受大家喜愛嘅角色嘅死亡…

喺上季結尾,Rick一行人被Negan俘虜。Negn手持佢嘅”Lucille”改裝棒球棍,準備隨時擊殺跪喺佢眼前嘅Rick、Daryl 、Carl 、 Michonne、Glenn、Maggie、Abraham、Sasha、Aaron、Rosita 同 Eugene。  而喺預告片中,Negan手下Dwight騎住Daryl嘅標誌性電單車同馬甲;令觀眾不期然聯想到Daryl嘅死亡。

到底Daryl 孰生孰死,就需要等到美國時間10月23日 The Walking Dead 第7季啟播先知喇!