【R.I.P.】吉卜力工作室御用色彩設計師保田道世逝世

保田道世 - 你可能會對佢個名好陌生,但佢嘅作品你一定有睇過:「風之谷」、「天空之城」、「龍貓」 、「再見螢火蟲」、「魔女宅急便」、「歲月的童話」、「幽靈公主」、「千與千尋」、「哈爾移動城堡」、「崖上的波兒」、「風起了」… 唔只係宮崎駿嘅作品,只要係吉卜力工作室出品嘅經典作品,都會喺credit度見到佢嘅名。

tumblr_oexdw5awzu1rl3tlpo2_500

被宮崎駿譽為長期戰友嘅保田道世早喺1958年已經進入東映進行配色嘅工作,係高畑勳同宮崎駿嘅師姐,由1968年開始就同高畑勳、宮崎駿兩人合作。雖然72年開始三人隸屬於唔同公司,但都喺「友愛的天空」同「高立的未來世界」等多部動畫作品中合作;更於1985年一齊加入新成立嘅吉卜力工作室。

c3498117

自此之後,基本上所有吉卜力嘅出品都係由保田道世作色彩設定。佢原本喺「崖上的波兒」之後就已經退休,但受到宮崎駿嘅極力邀請下,都喺「酵母君與雞蛋公主」、「尋寶」同宮崎駿最後一部長篇動畫電影「風起了」中重出江湖。

由下圖就可以見到保田道世用色嘅高超技術;可惜呢位一代大師喺10月5日因病逝世,終年77歲。

 

Advertisements

龍貓都要減肥?!

相信宮崎駿筆下嘅龍貓大家都好熟悉,亦應該俘虜咗唔少人嘅心。不過唔知係唔係因為潮流興健康,所以連不嬲都咁受歡迎嘅佢都要開始做運動Keep Fit。

澳洲設計師 CL Terry 就好用心咁整咗多幅龍貓做運動時嘅GIF圖,當中包括跳繩、呼拉圈、做瑜伽等等;見到肥騰騰嘅龍貓做運動時啲肉戥下戥下咁,真係好得意架!

其實CL Terry除咗整運動主題嘅龍貓GIF圖之外,佢仲整咗好多唔同嘅主題GIF圖。若果有興趣想睇多啲 CL Terry 嘅作品嘅話可以上去佢嘅個人網站架!

 

 

連龍貓都做運動,你仲坐喺度唔郁?!

 

Source: Fubiz

【多圖】超得意BB造型照

This slideshow requires JavaScript.

唔少人都話小朋友尤其是係瞓覺嗰時就係最得意,而唔少父母亦都會幫自己初生嘅小朋友留低可愛嘅一刻。不過喺美國就有位媽媽為自己嘅小寶寶加啲心思創意,令到可愛嘅BB相別開生面。

Laura Izumikawa 唔知係唔係太想cosplay ,幫佢個寶貝女 Joey 細細個只得4個月大就開始做小小cosplayer。Laura 會幫Joey 變身成為唔同嘅名人或者角色,由撒亞人到Han Solo 都有。絕對少啲心機都唔得架!

若果想睇多啲Joey 嘅得意造型照可以去Laura 嘅 Instagram 㗎!

 

Source: Fubiz

【銀色巨塔】曼谷 MahaNakhon

一棟樓高77層,高314米,佔地15,000平方米,耗資6億5,000萬美元(折合港幣大概50億)嘅摩天大廈最近喺泰國曼谷成為焦點。

首先,佢已經成為全泰國最高嘅建築物。第二,佢外型獨特,有design元素又玩味十足,唔似一般摩天大廈咁一味追求high end外型。第三,佢集合住宿、酒店、購物中心、觀光塔、Sky Bar…於一身,嗰個觀光塔仲有條懸空既玻璃通道,真正前後左右360度都可以睇到曼谷風景,不過要2017年年中先對外開放,希望唔好好似張家界玻璃橋咁啦。另外,座塔前面仲有個佔地1,000平方米嘅公眾廣場,可以提供場地作展覽、音樂會、文娛活動等等嘅之用。

This slideshow requires JavaScript.

MahaNakhon 位於曼谷商業區嘅中心地帶,鄰近BTS Chongnonsi (沖暖詩站) 、Chao Pharya River  (湄南河) 及 Lumpini Park (隆比尼公園) 。

mhnk_map

想睇更多關於MahaNakhon嘅您,可以禁呢度,或者Like佢地個Facebook page啦!

若果instagram係放喺Windows 95會係咩樣?!

Instagram 之前轉新logo就引起用戶批評,若果轉嘅唔係logo而係作業系統平台又會係點呢?

 

俄羅斯設計師 Misha Petrick 就帶大家進入交錯嘅時空,模擬instagram喺 Windows 95嘅畫面效果會係點。Petrick 解釋話佢整呢啲gif圖嘅原因係想提醒我哋現有版本嘅instagram其實都唔係真係咁差姐。不過小編就想用佢整嘅呢個Win95懷舊版多啲喇!

 

 

Source: Fubiz

 

【新玩法?!】 聲音啤酒廠 – 利用天然材料製作有機電子音樂

你有無諗過唔用傳統樂器用其他天然嘅材料創作音樂呢?最近外國就出現咗第一個用天然物料整成嘅電子音樂。

意大利啤酒廠Nastro Azzurro 聯同一個新興年輕音樂製作團隊合力製作咗一部「聲音啤酒廠」,利用獨特嘅手法控制水、啤酒花、大麥、粟米等製作啤酒嘅原材料嚟產生循環音頻系統。

啤酒花、大麥、粟米等固體嘅材料會被擺喺專門為「聲音啤酒廠」設計嘅Chladni碟,材料嘅外形同排列喺機器下會產生鼓聲同合成音軌,再同DJ以及激光有互動。

而水就會倒入被壓扁咗嘅Vinyl 調色板上,造成液體CD;聲音頻率會輸送到一個旋轉中嘅液體CD以產獨特嘅視聽效果。

Nastro Azzurro喺佢哋嘅數碼平台成立呢個項目,讓品牌嘅用家呈上自己喺唔同類型軟件方面嘅意念,等佢哋可以藉此機會發揮潛能。

 

 

Source: Xister

【真實妙妙貓?】 老人與園藝貓

喺英國嘅網絡上,近來出現咗多個有巨型貓園藝嘅夢幻公園圖片,令好多網民都想去一探呢個公園嘅所在地。不過對呢啲網民嚟講,以下有一截壞消息:啲貓型園藝全部都只係由69歲嘅Richard Saunders 用電腦整出嚟。
原來,Saunders曾經有一隻俄羅斯藍貓 Tolly,可惜Tolly喺二月病逝。有一次Saunders行公園時見到有一棵花叢嘅外型勾起咗佢聯想到Tolly 瞓覺嘅樣;受到一個超現實主義藝術家啟發,Saunders決定為咗紀念佢嘅愛喵而用電腦將Tolly化身成唔同公園中嘅園圃藝術,等大家都可以分享到佢同Tolly之間嘅歡樂。
自2月開始分享佢嘅作品以來,Saunders 都深受網民嘅喜愛,其中一幅作品更有超過325萬次觀看。Saunders 就話佢好開心自己為咗興趣而做嘅作品受到大眾嘅歡迎,雖然佢講明咗啲圖像係電腦效果,但仍然有大約四分一嘅觀眾認為啲園藝貓係真嘅!
若果想睇多啲Sauders嘅作品嘅話可以去佢Facebook Page架!
Source: Telegraph

所以我旅遊攝影展-Willde Ng

相信唔少人去旅行都會影相,但你所影低嘅係乜嘢呢?風景?食物?人物?感覺?

13567493_1600586086633840_7011920725750040350_n

旅遊達人兼資深廣告創作人吳文芳Willde 喺「所以我旅遊」攝影展中會展出佢精挑萬選嘅leica黑白作品;利用照片去說故事,亦利用故事看照片。除咗觀賞Willde大師嘅作品之外,展覽場地亦都準備咗post-it畀大家分享自己嘅小故事架!

13567184_1600586089967173_3837395496229038270_n

 

所以我旅遊攝影展-Willde Ng
展覽日期:2016年7月1日-8月14日
時間:下午4點- 凌晨12點
地點:九龍佐敦志和街1號 Hotel Stage地庫 Muse Wine Bar (佐敦站 B2)
費用:免費入場