【下年開幕】 Amazon GO 全自助超市

相信所有人都一定經歷過買嘢俾錢但收銀大排長龍嘅苦況。喺外國某啲大型超市就早已經有自助收銀機,顧客自己掃barcode再透過現金/信用咭付款,比傳統付款方式快好多;不過當多人同時付款時,就算係有自助收銀機幫手都仍然會需要排一段時間隊。 但係可能喺不久嘅將來就此情不再…

untitled-1

事因Amazon 將會喺下年年初營運全新型式嘅全自助超市 Amazon GO,係全世界最新最先進嘅超市。顧客只要喺進入Amazon GO時打開Amazon GO嘅應用程式,讓閘機掃描用戶嘅QR Code,之後就可以入內自由選購貨品。超市利用多種科技,當顧客將呢啲貨品放入購物袋時就會同步到應用程式中嘅購物籃;顧客選購完畢之後唔需要再排隊畀錢就可以直接走出超市大門,而帳單就會由顧客嘅Amazon帳戶中扣除金額。

位於西雅圖嘅首間Amazon Go超市已經確認咗會喺2017年初投入服務,睇嚟將會成為當地另一個另類景點。

amazon-go_rtsuu2d-1024x683

Advertisements

【有片睇】路人甲紐約街頭輕鬆偷走千萬黃金

香港前排就發生咗單好神秘嘅山頭劫金條案,美國紐約近日就發生一宗神奇嘅偷金案!

話說喺紐約西48街街頭有日停泊咗一輛貨車,車上載有大量黃金,但負責運送同看管嘅兩位職員竟然打開咗個車尾之後就企喺路邊無理到啲貨物。呢個時候有位路人甲經過時發現路邊竟然有咁貴重嘅嘢無人看管,(一定係出於好心想幫忙暫時託管,除非唔係),所以就喺光天化日之下、鬧市街頭之上隨手抬走車上一桶價值160萬美元嘅金箔。更神奇之處係呢位「神偷」抬走桶金嘅時候喺正兩位負責嘅職員面前走過都無被發現,無非佢都識用「你睇我唔到」呢招?! 不過都辛苦呢位「神偷」嗱,因為桶金都有成86磅咁重,難怪佢抬咗幾條街之後就要放低桶金喺路面稍作休息!

正所謂無片無真相,呢單劇情仲神奇過CCTVB劇集嘅事件整個過程都被街邊嘅閉路電視影低咗;而紐約警方亦都正在努力緝捕呢位神偷歸案。

Source: NY Daily

【Tokyo Hot】塞車手痕 黑客駭入電子廣告板播AV

塞車時,你哋會做啲咩解悶?聽歌?碌手機?睇下周邊廣告? 但喺印尼雅加達就有一位巴打駭入電子廣告板度播AV。

呢位24歲任職IT嘅巴打喺10月嘅某個工作日因為放工正值交通繁忙時間,塞咗喺市中心嘅路段。可能佢太過想睇AV,慾火焚身等唔切返到先睇,所以就決定即場睇AV;仲要唔知係唔係嫌個手機螢幕唔夠大睇得唔過癮,佢仲駭入埋路邊電子廣告板度與眾同樂,認真開心Share!

據消息指,佢睇嘅仲要有著強勁電音節拍作intro嘅東京熱作品,果然係行家呀!不過好景不常,個「公共AV播映空間」只係維持咗10分鐘就被切斷咗電力。而位巴打亦都喺翌日被印尼警方以「於公眾地方展示成人影片及展示有不雅畫面之影片」嘅罪名被捕,面臨最高12年監禁嘅刑罰。

其實喺印尼,鹹網係被政府封鎖,而上鹹網亦都係犯法嘅;所以我哋大家都要好好珍惜而家有得上鹹網嘅機會,有得睇就睇多啲喇!

 

 

[旅遊勝地] 「小死海 」- 土耳其藍礁湖 Blue Lagoon

不知不覺又到年尾,尚有兩個月就到聖誕節。旅遊旺季將近,今日介紹土耳其的一個旅遊勝地給大家,絕對是人生中一定要去一次的地方。

土耳其的旅遊業一直都是它們的國內主要經濟產業。以去年為例,前往星月之國觀光的旅客人數高達4,162萬人次。土耳其國土橫跨歐亞,由巴爾幹半島的東色雷斯和安納托利亞半島組成,西、南、北三方分別面臨黑海、地中海和愛琴海。長達7200公里的海岸線,擁有中世紀古希臘、羅馬時代留下的珍貴歷史遺產,多元化的觀光資源造就土耳其成為近年新興的旅遊大國。

今日要介紹的就是藍礁湖,典型的土耳其旅遊熱點。

藍礁湖(Blue Lagoon)位於土耳其著名旅遊城市費特希耶以南15公里,它所處的奧陸丹尼茲海灘(Oludeniz Beach)被認為是世界上最美的海灘之一。藍礁湖湖如其名,湖水顏色呈清澈的寶石藍色。藍礁湖的海岸線相當迂迴,幾乎接近呈現出一個耳朵的形狀,而且週邊有群山環繞。獨特的地形令到這裡的海灣風平浪靜,在土耳其政府的悉心保護下,藍礁湖的湖水極為清澈,加上所處的海灣風速不高,藍礁湖是長期處於波平如鏡的狀態,因而又有「小死海 」之稱。

而奧陸丹尼茲海灘亦因此被歐洲環境保護教育協會(FEE)頒發藍旗海灘(Blue Flag beach)的認證。

https://bamptonpo.files.wordpress.com/2013/06/img_3547.jpg?w=694&h=518

龍貓都要減肥?!

相信宮崎駿筆下嘅龍貓大家都好熟悉,亦應該俘虜咗唔少人嘅心。不過唔知係唔係因為潮流興健康,所以連不嬲都咁受歡迎嘅佢都要開始做運動Keep Fit。

澳洲設計師 CL Terry 就好用心咁整咗多幅龍貓做運動時嘅GIF圖,當中包括跳繩、呼拉圈、做瑜伽等等;見到肥騰騰嘅龍貓做運動時啲肉戥下戥下咁,真係好得意架!

其實CL Terry除咗整運動主題嘅龍貓GIF圖之外,佢仲整咗好多唔同嘅主題GIF圖。若果有興趣想睇多啲 CL Terry 嘅作品嘅話可以上去佢嘅個人網站架!

 

 

連龍貓都做運動,你仲坐喺度唔郁?!

 

Source: Fubiz

【多圖】超得意BB造型照

This slideshow requires JavaScript.

唔少人都話小朋友尤其是係瞓覺嗰時就係最得意,而唔少父母亦都會幫自己初生嘅小朋友留低可愛嘅一刻。不過喺美國就有位媽媽為自己嘅小寶寶加啲心思創意,令到可愛嘅BB相別開生面。

Laura Izumikawa 唔知係唔係太想cosplay ,幫佢個寶貝女 Joey 細細個只得4個月大就開始做小小cosplayer。Laura 會幫Joey 變身成為唔同嘅名人或者角色,由撒亞人到Han Solo 都有。絕對少啲心機都唔得架!

若果想睇多啲Joey 嘅得意造型照可以去Laura 嘅 Instagram 㗎!

 

Source: Fubiz

【銀色巨塔】曼谷 MahaNakhon

一棟樓高77層,高314米,佔地15,000平方米,耗資6億5,000萬美元(折合港幣大概50億)嘅摩天大廈最近喺泰國曼谷成為焦點。

首先,佢已經成為全泰國最高嘅建築物。第二,佢外型獨特,有design元素又玩味十足,唔似一般摩天大廈咁一味追求high end外型。第三,佢集合住宿、酒店、購物中心、觀光塔、Sky Bar…於一身,嗰個觀光塔仲有條懸空既玻璃通道,真正前後左右360度都可以睇到曼谷風景,不過要2017年年中先對外開放,希望唔好好似張家界玻璃橋咁啦。另外,座塔前面仲有個佔地1,000平方米嘅公眾廣場,可以提供場地作展覽、音樂會、文娛活動等等嘅之用。

This slideshow requires JavaScript.

MahaNakhon 位於曼谷商業區嘅中心地帶,鄰近BTS Chongnonsi (沖暖詩站) 、Chao Pharya River  (湄南河) 及 Lumpini Park (隆比尼公園) 。

mhnk_map

想睇更多關於MahaNakhon嘅您,可以禁呢度,或者Like佢地個Facebook page啦!

紙都切到木?!

一張平常嘅白紙,可以切到啲咩?

美國YouTuber John Heisz 唔知係唔係畀紙鎅得多,有一日忽發奇想,試下一張紙可以切到啲咩。佢首先將一張白紙剪成一個圓形,再放入鋸台變成紙板圓鋸。結果,呢個紙鋸鎅得開紙、發泡膠、膠、同實木條!

 

【幻覺嚟嘅啫,嚇我唔倒嘅】 電視直播魔術出錯

唔知你睇魔術表演時會唔會心入面想睇下個魔術師失手會發生咩事呢?若果你會嘅話就一定要睇嗱以下呢條片喇!

【事先聲明】慎入!!!

話說喺波蘭一間電視台嘅晨早節目請到一位「全波蘭一叮」(Poland’s Got Talent) 嘅準決賽參賽者 魔術師Marcin Poloniewicz 上去表演魔術。 其中一項就係表演俄羅斯輪盤式拍紙袋,台上有多個紙袋,而其中一個入面有一根尖釘,魔術師同助手會用力拍呢啲紙袋。

Poloniewicz 首先成功拍中其中一個吉紙袋,之後佢揸住節目女主持Marzena Rogalska嘅手,大大力咁拍落去佢面前嘅紙袋。但竟然拍中有釘嘅嗰個,尖釘立即插入Rogalska 嘅手掌,而Rogalska亦痛到大叫出嚟。Poloniewicz 就不慌不忙咁掹走支釘,再送Rogalska入醫院。幸好,Rogalska其後透過社交媒體向公眾報平安。

不過,有網民就認為成件事只係一場大龍鳳,旨在呃收視。佢哋指出支釘嘅長度應該貫穿Rogalska隻手掌而唔係就咁插入;另外一個疑問就係點解Rogalska隻手會無乜出血。真相係點?怕且都要佢哋先知嚕!

至於Poloniewicz,唔知呢件事會唔會影響到佢嘅比賽呢?

當彩虹糖不再彩虹時

彩虹糖唔再在彩虹咁多顏色時,咁應該叫咩糖呢?

為咗慶祝剛剛過去嘅倫敦同志節,Skittles 彩虹糖就決定將佢哋五顏六色嘅糖變做白底黑字以作支持。

monochrome-skittles-ad-london-pride-parade-adam-and-eve-ddb-thumb640.jpg

喺個宣布聲明中,Skittles 解釋佢哋要將糖變做黑白係因為佢哋認為只有一個彩虹值得喺同志節期間受到注意。而品牌亦喺呢段期間將口號”Taste the Rainbow” 改為 “Give the Rainbow. Taste the Rainbow”。

其實好多品牌都十分支持同志,就好似American Apparel 早前就發售咗一個「Make America Gay Again」系列

 

Source: Highsnobiety