NBA 場邊記者 Craig Sager 經歷咗接近2年同骨髓性白血病嘅搏鬥之後，喺香港時間昨晨病逝，終年65歲。 喺30年嘅NBA場邊採訪生涯中，Craig 以色彩奪目嘅西裝衣著聞名；佢同時亦都係圈中多位傳奇、球星、教練等嘅良師益友。
NBA Inside 節錄咗NBA圈中對Craig Sager逝世嘅反應，亦換嚟巴克利、Shaq、KG、Chris Webber、Kenny Smith分享佢哋對Craig 嘅回憶。另外韋迪、ESPN同T-Mac 亦有分享自己嘅感受。
Craig Sager 喺NBA 採訪生涯中有好多有趣嘅時刻，但相信唔少人都會好似片段中最後一段 2014年Coach Pop 普波域治被為病父上場嘅Craig Sager jr.採訪時所講嘅一番說話咁諗。
最後，大家一齊回顧下Craig Sager 多姿多彩嘅西裝。
日本品牌Journal Standatd 早前發佈咗今年秋冬季嘅lookbook。今次嘅lookbook套裝都係由多件簡單又易襯嘅部件配搭而成，充滿層次感，甚至被多位時尚blogger及時裝雜誌喻為layering 教材。系列較著重強調服裝中嘅「外套」一環，例如有JS自家旗下子品牌J.S Homestead 嘅軍裝風Parka 以及 哥本哈根品牌Andersen-Andersen嘅針織品。除此以外，lookbook中值得留意嘅亦都有意大利品牌Vigano 嘅修身踞喀褲等。整體上，成個collection lookbook 利用layering嘅技巧就為較平淡熟悉嘅服裝帶嚟一點別出嘅新意，絕對係今個秋冬必學嘅技巧。
Lookbook 部分嘅部件已經喺Journal Standard 嘅線上商店開始發售。
作為Engineered Garments、Needles、SOUTH2 WEST8 等品牌嘅母品牌 NEPENTHES 16年春夏季設計大膽誇張，秋冬季就相對掂返地、調低啲。
新季系列lookbook造型由著名造型師 坂元真澄 負責配搭， 造型照繼續由長山和樹操刀。坂元真澄巧妙地用咗工業用燒焊面具加入去lookbook造型，除咗符合品牌一貫嘅復古工業風之外，效果仲出乎意料地令人眼前一亮；例如古銅色中帶點墨綠色嘅面具 襯上 Needles嘅淺灰色恤衫以及麻白色闊腳長褲 配上 Engineered Garments 嘅淺藍間馬甲同外套，再搭上NEPENTHES x Tricker’s 嘅多層黑色Brouge皮鞋。
今季想知多啲呢個系列嘅話可以去呢度了解架！
由著名設計師橫山大介同荒木克記合作打理嘅日本品牌 SASQUATCHfabrix 以將傳統元素揉合到現代服裝見稱。 品牌呢個秋冬季會將設計焦點聚焦到和服等日本傳統服裝上，將傳統和式外衣重塑成禦寒嘅型衣。
整個系列都由過大、兩邊分開垂懸嘅元素。當中值得加倍留意嘅係繡有傳統日本風老虎圖案嘅Bomber Jacket、袖上印有傳統日本家紋嘅冷衫，同用牛仔布料造嘅闊腳袴。
之前先講完Forever 21 新童裝系列自殺式設計搞到要下架，呢個星期又有品牌童裝出事。
今次出事嘅品牌係GAP。話說原先網民係火力全開咁炮轟佢哋個廣告性別定型：點解男大就係學者，女大就係交際花？
但之後有網民就發現個男仔著住嘅Tee上面個愛因斯坦個名「Albert Einstein」 竟然串錯咗做「Albert Einstien」。
唔X係掛？！又叫啲男仔大個做學者，但連偉大科學家個名都教錯… 呢次GAP 認真抵俾人圍插，快啲抆耳仔向公眾道歉啦！
出事嘅系列被指向兒童宣揚有害嘅性別定型，系列嘅T-shirts 印上咗如「Sorry Ladies I Only Date Models」、「Chicks Are All Over Me」等富不平等性別涵義嘅句子。
呢個系列係設計畀5歲至13歲嘅男童着嘅，咁細個點會識分曲定直？唔怪得啲人圍插Forever 21。而呢個自殺式設計系列亦都因為被大眾杯葛罷買而銷情慘淡，最終仲光速下架。而呢件事仲令大眾回帶重提Forever 21 抄人設計嘅事。
唉，點解咁傻豬豬想懶型，結果又柒咗喇…
NBA 總決賽由騎師奪得之後，雖然比賽已經告一段落，但所帶嚟嘅影響仲未完。
皆因騎士最佳第六人J.R. Smith 自球隊贏得冠軍之後連續幾日一直都無著衫周街走 (聽聞到而家都未着番件衫) ，搞到連美國總統奧巴馬都開腔叫佢著返件衫。
J.R. Smith堅持唔著衫嘅行為喺時裝界掀起一股唔著衫嘅熱潮。不過若果你怕醜唔想唔著衫、又或者擔心自己太白淨無J.R. Smith咁多公仔喺身上面嘅話，可以試下買以下呢件衫嚟著。
克里夫蘭一間T-Shirt公司 Fresh Brewed Tees 就取得J.R. Smith 授權，整咗款同J.R. Smith上身一模一樣嘅短袖Tee。有咗呢件衫，你就可以著住衫咁唔著衫行出街啦！
今年秋冬，ts(s)為你帶嚟一絲復古而悠閒嘅味道。
鈴木卓爾喺成立佢個人品牌ts(s)之前，曾經係雜誌造型師、編輯同創意總監；有著咁豐富經驗嘅佢之後成立品牌都十分順理成章。受到佢哥哥 － Engineered Garments創辦人鈴木大器嘅影響，卓爾都想製作一個系列反映佢對復古工作服同軍裝嘅興趣。
喺2016年秋冬系列中，我哋可以見到鈴木卓爾繼續展現佢最擅長嘅優質布料同碎布所製成嘅部件。格仔外衣設計同針織上衣絕對係整個系列中嘅重點；同時馬甲背心、恤衫同長褲嘅設計配搭為整套服裝帶嚟層次感。系列整體外觀上一如以往地「比例」同「垂墜」成為重要元素，而修身同鬆身嘅輪廓之間亦有好好嘅平衡。
日本品牌Samsara 早前發佈咗16年秋冬季嘅系列，完全呈現品牌設計師岸知良(Kishi Tomoyoshi) 生動活潑嘅特質。
以玩味見稱嘅岸知良喺今次以品牌一貫嘅「和諧」同「對比」作主軸，玩弄立體剪裁同比例，設計出一系列輕鬆基本男裝，重申時裝應該係有創意同有趣味嘅意念。
系列部件包括鬆身長褲、過大嘅上衣、闊袖Bomber外套等；不過最引起小編注意嘅係兩件猶如馬褂一樣嘅牛角扣鈕大褸同漏斗領長衫。
呢段時間人人都抽美國總統候選人特朗普(Donald Trump)水。前日，American Apparel為咗慶祝「同性戀自豪月」，就推出咗「「Make America Gay Again」系列，個名抽足特朗普嘅「Make America Great Again」嘅競選口號。
呢個系列係American Apparel 聯同 Human Rights Campaign 以及 the Ally Coalition 三方合作嘅成果。系列包含T 恤、背心、手提袋，以及望落去同特朗普競選鴨嘴帽一樣樣嘅紅色鴨嘴帽。 另外，發佈時仲有一段影片係講述美國多元化嘅LGBT社群。
「Make America Gay Again」系列其實並唔係American Apparel 為慶祝「同性戀自豪月」而創作嘅第一個系列，不過今年系列嘅3成收益會捐畀為LGBTQ人士提供法律援助嘅機構the Equality Act。
除咗American Apparel 之外，Addidas Originals 以及Nike較早之前亦都為咗慶祝「同性戀自豪月」分別推出咗「Pride Pack」系列同新嘅Air Max Zero。
空墟 