談空墟

創立「空墟」嘅念頭源於一位廢青（即係我）對現有生活嘅無力感。心目中嘅理想，社會中嘅現實，兩者之間嘅衝突同落差雖然早已作出準備，但本應滿腔熱誠嘅赤子仍少不免會感到不甘。喺呢種不甘心以及無奈嘅驅使下，突然忽發奇想，聯同身邊嘅廢青朋友合作搞本網上雜誌，讓大家學以致用也好（小弟以前係讀媒體的）、視為作品集也好、興趣消閑抒發也好、甚或發白日夢也好。就此，一班廢青就做咗偽文青。

坦白講，做「空墟」，只求眾編輯做得開心享受，讀者們亦欣賞我哋嘅成果，僅此而已，別無他求。對同僚們的通力合作以及讀者們的支持，小弟就此謝過。